Октябрь 1- улуг назы-харлыг хоочуннарнын хуну-биле!!!
Амыр мендинерни айтырып эки хуннун мендизи-биле хүндүлүг сумувустун хоочуннары болгаш пенсионерлери!
Улуг назы-харлыг кижилерниң хүнү-биле сагыш-сеткилдиң ханызындан Силерге байыр чедириишкинин хүлээп ап көрүңер. Октябрь 1-де демдеглеп турар байырлал – салгалдарның аразында харылзааларның, үениң төнчү чогунуң, кижи төрелгетенниң чуртталгазының уламчызының демдээ. Бистиң чуртувусту, бистиң суурувусту боттарынарнын маадырлыг чоруунар болгаш күш-ажылы-биле сайзыралынга бодуңарның бүгү күжүңерни киирген силер. Силерниң хөй кезииңер ажылдаарын уламчылап, хөй-ниити организацияларның ажыл-херектеринге, аныяктарның патриотчу кижизидилгезинге идепкейлиг киржип, чогаадыкчы чорукка хандыкшып чоруурлар. Силерниң эрес-маадырлыг күш-ажылыңар дээш силерниң мурнуңарга өрелиг бис.
Хүндүлүг хоочуннар! Мерген угаанның, онзагай билиглерниң болгаш чуртталганың арга-дуржулгазының дөзү бооп артар силер. Силерни магадап, силерге чоргаарланыр-дыр бис. Бистиң аравыста чорууруңар дээш улуу-биле өөрүп четтирдивис! Быжыг кадыкшылды, сагыш-сеткилиңерге оожургалды, чиик-сергек болуруңарны, аас-кежикти, амыр-чаагайны болгаш омакшылдыг улуг назынны күзедивис. Силерниң оран-бажыңнарыңарга байыр-найыр үзүлбейн, төрээн болгаш чоок кижилериңерниң ынакшылы база кичээнгейи силерни кезээде чылдып чоруур-ла болзунам! Курай курай курай !!!
