Сентябрь 17-де Тыва Республиканың ыдык күрүне демдээ болур Тываның Тугунуң хүнүн демдеглээн
Тываның тугунуң хүнү – чаңгыс чер чурттугларывыстың ажыл-ишчи чедиишкиннериниң болгаш маадырлыг чоруктарынга мөгейигни илередип, чуртувустуң эрткен төөгүзүнге хүндүткелди, келир үеде ооң сайзыралынга бүзүреливисти күштелдирип, Төрээн черинге кызыгаар чок ынак, ону хүндүлээр кижилерни каттыштырып турар.
Арт-арттың оваазынга
Дажын салып чалбарган
Таңды, Саян ыдыынга
Агын өргээн тыва мен.
Мен – тыва мен
Мөңге харлыг дагның оглу мен.
Мен – тыва мен,
Мөңгүн суглуг чурттуң төлу мен.
Өгбелерим чуртунда
Өлчей тарып иженген,
Өткүт хөөмей ырынга
Өөрүп талаан тыва мен.
Мен – тыва мен,
Мөңге харлыг дагның оглу мен.
Мен – тыва мен,
Мөңгүн суглуг чурттуң төлу мен.
Аймак чоннар бүлези
Акы-дуңма найыралдыг,
Депшилгеже чүткүлдүг
Демниг чурттуг тыва мен.
